స్టార్ మా టీవీలో ప్రసారమవుతున్న సీరియల్ ' కార్తీకదీపం-2'. ఈ సీరియల్ గురువారం నాటి ఎపిసోడ్-226 లో.. ఆఫీస్ కి కార్తీక్ ని రప్పించుకొని పనిచేపిస్తుంటుంది జ్యోత్స్న. ఇక తనని దగ్గరుండి చూసుకుంటూ ఉండగా.. కార్తీక్ మాత్రం పట్టించుకోడు. ఏంటి బావా.. నేను తెచ్చిన కాఫీ, జ్యూస్, బిస్కెట్స్ ఏమీ తీసుకోలేదు. ఇక కాంప్లిమెంట్స్ కూడా తీసుకోవా? అర్థమైందిలే.. సరే పదా బావా.. కారులో అలా వెళ్లి ఏదైనా తిని ఇంటికి వెళ్దామని జ్యోత్స్న అనగా.. కార్తీక్ పెద్దగా పట్టించుకోడు. నేను అర్జెంట్‌గా ఇంటికి వెళ్లాలని కార్తీక్ అంటాడు. ఎవరి కోసమని జ్యోత్స్న అనగా.. సరిగ్గా అప్పుడే ఫోన్ మోగుతుంది. లిఫ్ట్ చేసి స్పీకర్‌ ఆన్ చేసి.. శౌర్య కాల్ చేసినట్లుందని కార్తీక్ అనుకుంటాడు. అవతల నుంచి కార్తీక్ బాబు అని దీప అనగానే.. స్పీకర్‌లో దీప వాయిస్ విని.. జ్యో రగిలిపోతుంది. వెంటనే కార్తీక్ స్పీకర్ ఆఫ్ చేస్తాడు.

భలే టైమ్ కాల్ చేశావ్ దీపా.. ఇప్పుడు జ్యోత్స్నకు ఇస్తాను చూడు అని మనసులో అనుకున్న కార్తీక్.. 'దీపా, చెప్పు' అని అంటాడు. మీరు రోజు వచ్చే టైమ్ కంటే బాగా లేట్ అయ్యింది. ఇంకా రాలేదని కాల్ చేశానని దీప అంటుంది. ఇక జ్యోత్స్న అక్కడే ఉండటంతో.. ఏంటి దీపా నేను ఇంకా రాలేదని భోజనం చేయకుండా ఇంటి బయట ఎదురు చూస్తున్నావా.. నీకు ఎన్నిసార్లు చెప్పాలి దీపా.. టైమ్‌కి భోజనం చేయకపోతే ఆరోగ్యం పాడవుతుంది. నీకు ఏదైనా అయితే నేను తట్టుకోగలనా అని కార్తీక్ అంటాడు. ఇక అదంతా జ్యోత్స్న విని రగిలిపోతుంది. దీపా.. దీపా.. ఛా.. బావను నేను టార్చర్ చేయడం కాదు.. నన్నే బావ టార్చర్ చేస్తున్నట్లుగా ఉంది.. ఆ దీపను ఏదోకటి చేయాలని జ్యోత్స్న గట్టిగా అనుకుంటుంది. ఇక అనుకున్నట్లే మరునాడు పారిజాతాన్ని తీసుకుని.. గతంలో ఫోన్‌లో మాట్లాడిన రౌడీ షీటర్ లారెన్స్‌ని కలుస్తుంది. దానికంటే ముందే జ్యోత్స్న, పారిజాతంలు దీప మర్డర్ గురించి మాట్లాడుకుంటారు. దీపని చంపించడం ఏంటే అని పారిజాతం మొదట వాదించినా.. తర్వాత కూల్ అవుతుంది.

పారిజాతం ముందే లారెన్స్‌కి దీప ఫొటో, అడ్వాన్స్‌గా కొంత డబ్బు ఇస్తుంది జ్యోత్స్న.. ఈరోజే ఈ సాల్తీ లేచిపోవాలని జ్యోత్స్న చెప్పగా.. మీ పని అయిపోతుంది మేడమ్.. నేను ఇలాంటి పనులు చేయడంలో చాలా సీనియర్‌ని. నా గురించి మీకు పూర్తిగా తెలియదు. ఈమెను ఈరోజే చంపేస్తాను, మిగిలిన డబ్బు రెడీ చేసుకోండి అని లారెన్స్ అంటాడు. దాని పేరు, ఫోన్ నంబర్ అన్నీ ఫొటో వెనుకే ఉన్నాయిని లారెన్స్‌కి చెప్పి అతడిని పంపేస్తుంది జ్యోత్స. ఇక లారెన్స్ తెలివిగా దీప ఫోన్‌కి కాల్ చేసి.. స్కూల్ అటెండర్‌ని కాల్ చేస్తున్నా అమ్మా.. మీ పాప ఇక్కడ కళ్లు తిరిగి పడిపోయింది. మీరు వెంటనే రండి అని చెప్పగా.. నేను వెంటనే వస్తున్నా.. మీరు జాగ్రత్తగా చూసుకోండి నా పాపని.. బయలుదేరుతున్నానని దీప ఫోన్ పెట్టేసి, పరుగున బయలుదేరుతూ బయటే ఉన్న అనసూయకు విషయం చెప్పి బయలుదేర్తుంది. అమ్మో శౌర్య కళ్లు తిరిగి పడిపోయిందంటే దానికి మళ్లీ గుండె జబ్బు ఇబ్బంది పెట్టి ఉంటుందా అని అనసూయ తల పట్టుకుంటుంది. ఇక దీప పరుగులు తీస్తూ రోడ్డు మీద నుంచి స్కూల్ దారికి వెళ్తూ ఉంటుంది. అయితే లారెన్స్ ఈసారి ఆటో డ్రైవర్‌గా ఆటో పట్టుకుని దీప పరుగుతీయడం దూరం నుంచి చూస్తుంటాడు. దీప పరుగున వెళ్తూ ఉంటుంది స్కూల్‌కి. లానెన్స్ ఆటో డ్రైవర్‌లా దీపను గమనిస్తూనే ఉంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.